"Samruk-Kazyna Construction" АҚ Басқарма төрағасы Мәулен Айманбетов жайлы мектептер салу кезінде бюджет қаражатын тиімді пайдалануға шақырды.
2023 жылғы 15 мамырда Мәулен Айманбетов "Жайлы мектеп" ұлттық жобасын жүзеге асыру бойынша департаменттің өңірдегі өкілдерімен жұмыс кеңесін өткізді. Кездесу барысында бюджет қаражатын тиімді пайдалану және инженерлік желілер мен жүйелерді жобалау мәселелеріне басымдық берілді. Су басу қаупінің алдын алу үшін мектептер жергілікті жердің экологиялық және геологиялық ерекшеліктерін ескере отырып салынатын болады.

"Біз ешбір аймақты назардан тыс қалдырмауымыз керек. Инженерлік желілер мен тұрақ кеңістігін жобалауға өте мұқият және шығармашылық тұрғыдан қарау қажет. Кабинет пен Google’ды ұмытып, жер учаскесін өз көзіңізбен көріп, тексеріңіздер. Бұл өте маңызды әлеуметтік жоба. Біз күндіз-түні жұмыс істеуіміз керек. Және тағы бір айтарым, бюджет қаражатын тиімсіз жұмсауға жол беруге болмайды, әр тиын үшін жауап береміз", – деді Мәулен Айманбетов.

Төрағасының блогы