Тұрақты дамуды басқару тәсілі
Әлеуметтік саясат
ҚұжаттамаЕңбекті ұйымдастыру және адам ресурстарын дамыту кадр саясатына сәйкес жүзеге асырылады. Компанияның кадр саясатының негізгі қағидаты персоналды қоғамның негізгі активі және тұрақты даму мақсаттарына қол жеткізудегі басты стратегиялық әріптес ретінде тану болып табылады.
"Samruk-Kazyna Construction" АҚ әлеуметтік жауапты жұмыс беруші болып табылады, ол адам құқықтарының, еңбек заңнамасының нормаларының сақталуын қамтамасыз етуде, қызметкерлердің лайықты еңбек жағдайларына құқықтарын тануда, әлеуметтік кепілдіктер мен жеңілдіктер беруде, кадр саясатын іске асыруда көрініс табады. Қоғамның алдында тұрған міндеттерді іске асыру үшін тиісті кәсіби құзыреттері бар мамандарға қоғамның қажеттілігін қамтамасыз ету, құрылыстағы жобаларды басқару саласындағы құзыреттерді дамыту, инвестициялық жобаларды тарту және іске асыру, Қоғам қызметінің рентабельділігін арттыру адам ресурстарын басқару бөлігінде қоғамның басым бағыттары болып табылады. Қоғамның кадр саясатының маңызды бағыттарының бірі қызметкерлерді дамыту және қызметкерлерге кәсіби және мансаптық өсу мүмкіндіктерін беру, жоғары еңбек өнімділігінің корпоративтік мәдениетін енгізу үшін қызметкерлердің уәждемесін арттыру болып табылады. Цифрлық технологиялардың дамуын ескере отырып, қашықтықтан оқыту курстары, вебинарлар және жұмыс орындарында оқыту сияқты оқыту әдістері белсенді қолданылады.
Өңірлердің әлеуметтік-экономикалық дамуына қосылған үлес
Жобаларды іске асыру шеңберінде Қоғам мердігерлермен және серіктестермен бюджетке салықтар мен алымдарды төлеуді қамтамасыз ету, жаңа жұмыс орындарын құру, сондай-ақ жергілікті өндірушілерден тауарлар, жұмыстар мен қызметтер сатып алу жолымен қызметін жүзеге асыратын өңірлердің дамуына үлес қосады. 2022 жылы құрылыс нысандарында 1500-ден астам жұмыс орны құрылды.
Қоғамның әлеуметтік-бағдарланған қызметі жаңа тұрғын үй объектілерін енгізу жолымен халыққа тұрғын үйдің қолжетімділігін арттыруда; ескі және апаттық тұрғын үйлерді жаңарту бағдарламасын іске асыру арқылы тұрғындарға қолайлы және жайлы өмір сүру жағдайларын жасауда; қаланың сәулеттік келбетін жаңартуда; тұрғын үй құрылысы және аумақтық даму саласындағы инвестициялық ахуалды жақсартуда таңылады.
Бұдан басқа, өңірлерде құрылыс сегментін қолдау халықтың әртүрлі санаттарына тұрғын үйдің қолжетімділігін арттыруға, жылжымайтын мүлік нарығын жандандыруға ықпал етеді.
2022 жылы «Samruk-Kazyna Construction» АҚ салық төлемдерінің жалпы сомасы 955 547 мың теңгені құрады. Мемлекеттік органдардан алынған жеңілдіктер, субсидиялар мен преференциялар жоқ.