Samruk-Kazyna Construction Павлодар облысында жаңа инвестициялық жобаны қолға алды
Ақсу қаласында үш қабатты көппәтерлі үйлердің құрылысы белсенді жүріп жатыр. Заманауи тұрғын үй кешенін 2024 жылдың екінші тоқсанында пайдалануға беру жоспарланған. Бұл өңірде теңдесі жоқ бірегей жоба.
Нысан алынбайтын қалыптарды қолдана отырып монолиттен салынады. Ол жылуды жақсы сақтайтын, сонымен қатар ылғалдың өтуіне жол бермейтін кеңейтілген полистиролдан жасалған. Мұндай қабырға қатты суықтан, температураның ауытқуынан және сыртқы ортаның басқа да жағымсыз әсерлерінен сенімді қорғайды. Инновациялық технологияны пайдалану құрылысқа жұмсалатын уақытты 15–20% үнемдеуге мүмкіндік береді. Сонымен қатар, алынбайтын қалыптармен салынған монолитті аз қабатты үйлерде дыбыс оқшаулау мен дірілге төзімділігі жоғары болмақ.
Тұрғын үй кешені Ақсудың баспана қорын толықтырып қана қоймай, қаланың келбетіне көрік сыйлап тұрмақ. Жобаны Karzhau Development» ЖШС Samruk-Kazyna Construction компаниясымен бірлесе құрылыстың жаңа әдісін пайдалана отырып жүзеге асырады. Компания үш қабатты үш баспана салады, олардың әрқайсысында 9, 18 және 27 пәтерден болады. Халық үшін сапалы тұрғын үй салу, сондай-ақ құрылыс саласын дамыту Samruk-Kazyna Construction қызметіндегі басым бағыттардың бірі.