182 жайлы мектептің мердігерімен келісімшартқа қол қойылды
«Жайлы мектеп» пилоттық ұлттық жобасы аясында 2025 жылдың соңына дейін 369 орта білім беру нысаны салынады.
Samruk-Kazyna Construction тапсырысы бойынша 208 мектеп 2024 жылы, қалған 151 мектеп 2025 жылы пайдалануға беріледі.
Бүгінгі таңда 182 жайлы мектеп бойынша мердігерлермен (консорциум жетекшілерімен) ЕРС-келісімшарттарға қол қойылды.
10 мектеп жергілікті атқарушы органдардың тапсырысы бойынша салынады, оның ішінде 1 мектеп мемлекеттік-жеке меншік әріптестік, ал 9 мектеп дайын нысанды сатып алу тетігі арқылы пайдалануға беріледі.
12 мектеп бойынша конкурс нәтижелеріне шағым түсіп, қарастырылу үстінде.
4 жайлы мектептің мердігерлері ерекше әдіспен анықталады.
10 мектеп бойынша конкурстар қайта жарияланды. Қыркүйек айының соңына дейін конкурстық рәсімдердің қорытындысы белгілі болады.