Алматыда Samruk-Kazyna Construction қатысуымен жаңа тұрғын үй кешені салынды
«Gul-Ana» ТК ескі тұрғын үйді жаңарту (реновация) бағдарламасы бойынша тұрғызылды. Samruk-Kazyna Construction инвестициялық қызметі шеңберінде 3-ші кезектегі үйлердің құрылысына қаражат салды. Құрылыс салушымен («KazSMU» ЖШС басқаратын консорциум) жасалған шартқа сәйкес компания 184 пәтерден тұратын 2 он екі қабатты үйлердің құрылысына инвестиция салды. Баспаналардың жалпы ауданы ауданы 9,7 мың шаршы метр. Үйлер жөнделген күйде тапсырылды.
«Gul-Ana» тұрғын үй кешенінің үш кезегі 6 үйден тұрады. Мұнда жалпы ауданы 25,7 мың шаршы метр болатын 488 пәтер мен коммерциялық үй-жайлар бар.
Оңтүстік астанада заманауи тұрғын үй кешенін салу үшін 12 ескі үй бұзылды. Олардың тұрғындарына аталған кешеннен пәтер берілді.
Реновация бағдарламасы ескірген және апатты тұрғын үй иелерінің жағдайын жақсартуға бағытталған, сондай-ақ елдегі, әсіресе жаңадан құрылған облыс орталықтарындағы тұрғын үй қорын, дамыту мен жаңартуға ықпал етеді. Бұған дейін Samruk-Kazyna Construction Шымкент, Алматы, Ақтөбе, Жезқазған және Қонаев қалаларының әкімдіктерімен ынтымақтастық туралы 5 меморандумға қол қойған болатын.