«Samruk-Kazyna Construction» АҚ Басқарма Төрағасы Мәулен Зарлықұлы Айманбетов бірқатар жұмыс кездесулерін өткізді
2022 жылғы 15 наурызда «Samruk-Kazyna Construction» АҚ Басқарма Төрағасы Мәулен Зарлықұлы Айманбетов Алматы қаласына жұмыс сапары аясында Алматы қаласының әлеуметтік-кәсіпкерлік корпорациясының (ӘКК) басқарма төрағасының орынбасары Айдын Жанұзақұлы Керімбекпен кездесу өткізді.
Алматы қаласындағы ескі тұрғын үй қоры-реновацияға жататын күрделі әлеуметтік проблема болып табылады. Бұл бағыттағы жұмыс халықтың жайлы өмір сүру ортасын құруға, тұрғын үйдің қолжетімділігін арттыруға және өңірде тұрғын үй инфрақұрылымын дамытуға бағытталған.
Кездесу барысында Алматы қаласының ӘКК перспективалы учаскелерді, сондай-ақ «Samruk-Kazyna Construction» АҚ-ның Алматы қаласының тұрғын үй қорын жаңартуға ықтимал қатысуы мәселесі бойынша бірқатар ұсыныстар мен шарттарды ұсынды. Тәжірибені зерделеу шеңберінде Райымбек даңғылындағы «KazSMU» ЖШС қалалық ортаны реновациялаудың қолданыстағы жобасы қаралды.
Сонымен қатар, Төраға Алматы қаласы кеңсесінің қызметкерлерімен кеңес өткізді, онда менеджерлердің жұмыс сапасы және одан әрі даму жоспарлары талқыланды. Қоғам жалгерлерінің жағдайын жақсарту жөніндегі жұмысқа ерекше назар аударылды.
Мәулен Зарлықұлы қоғам жалдаушыларының проблемалық мәселелерін шешуде жедел жұмыстың маңыздылығын атап өтті.