«Samruk-Kazyna Construction» АҚ Басқарма Төрағасы Өскемен қаласына жұмыс сапарымен барды
2022 жылғы 11 сәуірде Қоғамның Басқарма Төрағасы М.З. Айманбетов Өскемен қаласына жұмыс сапары барысында «Нұрлы жер» мемлекеттік тұрғын үй бағдарламасы аясында Қоғамның қатысуымен салынған тұрғын үй кешендерінің жағдайымен танысты.
М.З. Айманбетов Есенберлин-Қазыбек би даңғылындағы көппәтерлі үйлердің тұрғындарымен кездесті, олар көкейтесті мәселелермен жүгінді. Жиналыста Қоғам Басқармасының Төрағасы Жалға алушыларға мәселелерді шешу бағдарламасын ұсынды. Осылайша, «Samruk-Kazyna Construction» АҚ көптеген пәтерлердің меншік иесі бола отырып, «Мүлік иелері бірлестігін» тіркеуді жүзеге асыратын болады. Жоғарыда аталған бағдарламаны орындау аясында биыл шатырдың жөндеу жұмыстарының мәселесі шешілетін болады. Сондай-ақ, М.З. Айманбетов «ВК ТехноГрупп» ЖШС құрылыс салушысына тұрғын кешеннің бүйір қабырғаларының қаптамасын жөндеуді аяқтауды тапсырды. Сонымен қатар, барлық тұрғын үй кешеніне техникалық тексеру жүргізілгеннен кейін ақауларды түзету, аула аумағын абаттандыру бойынша іс-шаралар жоспары әзірленетін болады.
Есенберлин - Қазыбек би даңғылындағы үй кешенінің ақсақалдары мен тұрғындары өз кезегінде Қоғамның Басқарма Төрағасы М.З. Айманбетовке жинақталған мәселелерді шешуге ықпал еткені және тұрғын үй массивінің аумағында жөндеу жұмыстарын жеделдеткені үшін зор алғысын атты. Сондай-ақ Қоғамның Бірінші басшысына тікелей кездесу мүмкіндігі үшін ризашылығын білдірді. Жөндеу жұмыстары процесіне тұрақты бақылауды қамтамасыз ету мақсатында ай сайын кезектесіп Бірінші басшының және оның құрылыс жөніндегі орынбасарының объектілерге жұмыс сапары жүзеге асырылатын болады.
Сонымен қатар, Есенберлин 13 тұрғын үйі бойынша Қоғам Басқармасының Төрағасы «Ertis City Service» басқарушы компаниясымен іргелес аумақты абаттандыруды аяқтау және тұрғын үйлердегі су қысымының төмендеуін түзету мәселелерін талқылады.
Іс-сапар соңында «Samruk-Kazyna Construction» АҚ Бірінші басшысы М.З. Айманбетов Шығыс Қазақстан облысының құрылыс, сәулет және қала құрылысы басқармасының басшысы Д.М. Кеңесбаевпен және Өскемен қаласының құрылыс бөлімінің басшысы К.А. Танекеновпен абаттандыру, күрделі жөндеу, сондай-ақ коммуналдық қызметтермен үздіксіз қамтамасыз ету мәселелері бойынша кездесті. Атап айтқанда, жаңбыр мен еріген қар суларды бұруға арналған науалар салу, жолдарды асфальттау, тротуарлар мен жаяу жүргіншілер жолдарын салу, сондай-ақ сумен жабдықтаудың жоғарылататын сорғы станцияларын салу және Өскемен қаласының Жібек маталар комбинаты ауданының жылыту қазандығын реконструкциялау сұрақтары.